Occitània es lo nom de l’espaci lingüistic e cultural ont se parla la lenga d’òc o occitan.
La lenga occitana es una lenga latina nascuda al sègle 10. Se parteja en tres grands ensembles (Nòrd-Occitan, Gascon, Occitan Meridional) cobrissent sèt dialèctes (lemosin, auvernhat, vivaro-aupenc, gascon, lengadocian, provençau). Es una lenga plan pròcha del catalan.
L’espaci geografic occitan es ric d’una granda diversitat marcada per la preséncia de relèus importants (Aups, Massiu Central, Pirenèus) e per l’influéncia de l’Ocean a l’oèst e de la Mar Mediterranèa a l’èst.
Aquesta varietat geografica e dialectala se retròba dins la diversitat culturala occitana presenta dins de paisses e terradors nombroses e singulars.
Istoricament, Occitània agèt pas jamai d’existéncia oficiala e es encara partejada a l’ora d’ara entre França (28 despartaments entièrs e 7 despartaments en partida), Espanha (Val d’Aran) e Itàlia (Valadas Occitanas de Piemont). Son istòria es plan rica e lo patrimòni istoric i es remirable.
