La crotz occitana dins l’eraudica institucionala actuala.

Una centena de comunas e sèt despartaments occitans an, dins sei armariás, una crotz clechada, vuidada e pometada de dotze pèças mai conoissuda dau public per son nom de crotz de Tolosa o crotz occitana. Lo mai sovent figurada dins son vestit costumièr d’aur sus un camp de vermelh, si pòu presentar tanben dins d’autreis esmauts : l’azur per Auradèr, Genolhac, Lo Crèst ò Gralhen, ò lo negre per Lavernòsa-Lacaça e Metàmias.

Dins tot l’espandi occitan es ela que ven afortir, sus lo blason dei grandei comunautats urbanas coma dei mendrei vilatjons (d’unei que i a còmptan pas mai de quauquei desenas d’abitants), que durant un millenari a quicòm près i aguèt aicí — dis Aup i Pirenèu — coma vouguèt l’afortir lo poèta de Malhana, una astrada comuna, amb una lenga comuna dins l’arc-de-seda de sa diversitat dialectala. Una astrada e una istòria que ne pòrtan testimònis encara uèi lei muralhas de nòstreis vilas, lei castèus, lei glèisas e totei lei monuments dau patrimòni bastit dei país d’Òc tant coma leis armariás comunalas, tròp sovent ailàs neglegidas, oblidadas ò ramplaçadas — sot l’escampa d’una faussa modernitat — per de logos d’una eficacitat mau-segura.

La majoritat dei blasons representats aicí son estats dessenhats per Jean-Paul Fernon qu’avèm consultat tamben per quauquei precisions tocant d’unei blasonaments, e que remerciam a la fes per son gentum, sei competéncias e sa totala disponibilitat.

Aquí doncas la tièra dei despartaments e dei comunas qu’arboran una crotz de Tolosa dins seis armariás, e lo blasonament que prepausam d’aqueleis armariás.

Auban Bertero

LEI DESPARTAMENTS

AUDE – AUDE (11)

© J.-P. Fernon

De vermelh a la crotz clechada, vuidada e pometada de dotze pèças d’aur ; a la bordadura carnelada d’argent.

• AUPS AUTS – HAUTES-ALPES (05)

© J.-P. Fernon

Partit : au premier de vermelh a la crotz clechada, vuidada e pometada de dotze pèças d’aur, au segond d’aur au daufin d’azur ambé leis alas, la barba, lei gaunhas, la crèsta, leis escaumas e la coa de vermelh ; lo tot subremontat d’un cap d’azur semenat de flordalís d’aur.

• AUTA GARONA – HAUTE-GARONNE (31)

© J.-P. Fernon

De vermelh a la crotz clechada, vuidada e pometada de dotze pèças d’aur, cantonada de quatre otèlas d’argent adorsadas e pausadas en sautor.

• GARD – GARD (30)

© J.-P. Fernon

De vermelh a la crotz clechada, vuidada e pometada de dotze pèças d’aur ; au cap engrelat d’argent.

• ERAU – HÉRAULT (34)

© J.-P. Fernon

D’argent au tortèu de vermelh cargat d’una crotz clechada, vuidada e pometada de dotze pèças d’aur.

• TARN – TARN (81)

© J.-P. Fernon

D’aur au cap-pau, cargat d’una crotz clechada, vuidada e pometada de dotze pèças d’aur.

• TARN E GARONA – TARN-ET-GARONNE (82)

© J.-P. Fernon

Copat : au premier de vermelh au leopard armat e lengat d’azur, au segond tanben de vermelh a la crotz clechada, vuidada e pometada de dotze pèças d’aur.

LEI COMUNAS

AGEN D’AVAIRON — AGEN D’AVEYRON (Avairon, 12)




© J.-P. Fernon

De sinòple a la cròça adestrada d’un leopard leonat e senestrada d’un garric arrancat, lo tot d’aur; mantelat engrelat d’argent a una crotz clechada, vuidada e pometada de dotze pèças d’aur costejada de dos fais de lenha de sable.

ALBIARS — ALBIAS (Tarn e Garona, 82)

© J.-P. Fernon

 De vermelh a la faissa ondada d’argent cargada d’un leon d’azur e acompanhada en cap d’una crotz clechada, vuidada e pometada de dotze pèças e en poncha de doas espasas passadas en sautor, lo tot d’aur.

ANSINHAN — ANSIGNAN (Pirenèus Orientals, 66)

© J.-P. Fernon

De vermelh a la crotz clechada, vuidada e pometada de dotze pèças d’aur, au pòrta-aiga en cómol d’argent de nòu arcas de negre.

ARBLADA LO BAISH — ARBLADE LE BAS (Gèrs, 32)

© J.-P. Fernon

Partit : au premièr de vermelh a la crotz clechada, vuidada e pometada de dotze pèças d’aur, au segond d’argent au leon de vermelh.

ARPAJON (Essonna, 91)        

© J.-P. Fernon

Escartairat : au premier de vermelh a la crotz clechada, vuidada e pometada de dotze pèças d’aur, au segond d’argent ai quatre paus de vermelh, au tresen dau meteis a l’arpa d’aur, au quatren d’azur ai tres flordalís tanben d’aur, au bastonet de vermelh mes en barra ; sobre lo tot de vermelh a la crotz de Malta d’argent.

ARTÉS — ARTHÈS (Tarn, 81)

De vermelh a la barra d’aur cargada d’un pònt de tres arcas de negre carnelat de cinc pèças, acompanhat en cap d’una croseta clechada, vuidada e pometada de dotze pèças d’aur; au cap cordurat d’azur semenat de flordalís.

ARTIGAS — ARTIGUES (Auts Pirenèus, 65)     

D’argent a l’aubre terrassat de sinòple costejat de dos ases afrontats de negre; au cap d’azur cargat d’una croseta clechada, vuidada, pometada de dotze pèças d’aur costejada de doas estèlas dau meteis.

AUBÒRN — AUBORD (Gard, 30)

© J.-P. Fernon

Escartairat en sautor : au premier de vermelh a la crotz clechada, vuidada e pometada de dotze pèças, tanben vuidadas, d’aur ; au segond d’argent ai sièis besants de vermelh, 3, 2 e 1 ; au tresen d’argent ai tres faissas ondadas entadas d’azur ; au quatren de vermelh au rescòntre de taur de negre abrat e embanat d’argent.

AURADÈR AURADÉ (Gers, 32)

© J.-P. Fernon

D’azur a la crotz clechada, vuidada e pometada de dotze pèças cantonada en cap de doas estèlas, lo tot d’aur.

AUTON — OCTON (Erau, 34)

© J.-P. Fernon

Talhat : au premier d’argent au garric de sinòple, au segond de vermelh a la crotz clechada, vuidada e pometada de 12 pèças d’aur ; a la cotissa en barra d’argent cargada dau mot ALOUTOU de negre brocant sus la linha de particion.

AVERAN — AVERAN (Auts Pirenèus, 65)

D’azur au mont cordurat de sinòple encimelat d’un ors passant de negre entre dos aubres tanben de sinòple, acompanhat en cap d’una croseta clechada, vuidada e pometada de dotze pèças de vermelh.

BIARS — BIAS (Òlt e Garona, 47)

© J.-P. Fernon

Talhat : au premier d’azur plen, au segond de vermelh a la crotz clechada, vuidada e pometada de dotze pèças d’aur ; a la barra d’argent brocant sus la particion, cargada de tres aucèus contornats volants de negre.

•  BLANHAC —  BLAGNAC (Nauta Garona, 31)

Partit : au premier de vermelh a l’escuçon cordurat tanben de vermelh a la crotz clechada, vuidada e pometada de dotze pèças d’aur, au segond d’azur a l’escuçon cordurat partit au I tanben d’azur semenat de flordalís d’aur e au II semenat de castèus donjonats d’aur duberts tanben de vermelh e maçonats de negre ; ai doas claus adorsadas e entrebescadas brocant subre la particion.

BOLHARGAS — BOUILLARGUES (Gard, 30)

© J.-P. Fernon

Talhat : au premier de vermelh a la crotz clechada, vuidada e pometada de dotze pèças d’aur ; au segond dau meteis au ficheiron de gardian camarguen soudat d’argent.

BRASSAC — BRASSAC (Tarn e Garona, 82)

© J.-P. Fernon

Trencat : au premier d’aur a la gralha de negre becuda e membrada de vermelh, au segond d’argent au carrèu de juec de cartas de vermelh ; a la benda dau meteis cargada en cap d’una croseta clechada, vuidada e pometada de dotze pèças d’aur, d’a plomb, e en poncha d’una garba de blat tanben d’aur, ligada de sinòple e pausada d’a plomb.

BRUGUIÈRAS – BRUGUIERES (Nauta-Garona, 31)

Escartelat au premier e au quatren d’azur a la crotz clechada, vuidada e pometada de dotze pèças d’aur; au segond e au tresen de vermelh ai tres bendas tanben d’aur.

BUÒUS — BUOUX (Vauclusa, 84)

© J.-P. Fernon

De vermelh au pònt de doas arcas d’aur maçonat de negre acompanhat a dèstra d’una croseta clechada, vuidada e pometada de dotze pèças tanben d’aur.

CAÜSAC DE VERA — CAHUZAC SUR VÈRE (Tarn, 81)

© J.-P. Fernon

De vermelh a la crotz clechada, vuidada, pometada de dotze pèças d’aur, sostenguda d’un caüs cordurat de negre; au cap cordurat d’azur cargat de tres flordalís.

CAMPISTRONS — CAMPISTROUS (Auts Pirenèus, 65)

D’argent au mont de sinòple encimat d’un aubre dau meteis costejat de dos ases afrontats de negre; au cap d’azur cargat d’una croseta clechada, vuidada e pometada de dotze pèças d’aur e costejada de doas estèlas dau meteis.

CARSAC-ALHAC — CARSAC-AILLAC (Dordonha, 24)

Escartairat : au premier e au quatren de vermelh a la crotz clechada, vuidada e pometada de dotze pèças d’aur, au segond de vermelh au leon d’aur, au tresen tanben de vermelh au gau ardit d’argent.

CASTÈL-SARRASIN — CASTELSARRASIN (Tarn e Garona, 82)

© J.-P. Fernon

D’azur au castèu donjonat de tres torres d’argent maçonat de negre, subremontat d’una tèsta de moro cordurada de negre ligada d’argent; au cap cordurat de vermelh cargat d’una croseta clechada, vuidada e pometada de dotze pèças d’aur.

CASTILHON DE SAVÉS — CASTILLON-SAVÈS (Gèrs, 32)

© J.-P. Fernon

Escartairat : au premier d’argent au leon de negre, lampassat e coronat de vermelh ; au segond d’azur ai quatre faissas d’argent, au tresen d’azur au pau d’aur, au quatren dau darrier au leon de vermelh armat e lampassat d’azur emponhant una espasa dau meteis ; sobre lo tot de vermelh a la crotz clechada, vuidada e pometada de dotze pèças d’aur.

CAILUTZ — CAYLUS (Tarn e Garona, 82)

© J.-P. Fernon

De vermelh au castèu de tres torres d’aur maçonadas de negre, subremontat d’una croseta clechada, vuidada e pometada de dotze pèças tanben d’aur ; au cap cordurat d’azur cargat de tres flordalís d’aur.

CEIRÈSTA — CÉRESTE (Aups de Provença Auta, 04)

© J.-P. Fernon

D’aur a la crotz clechada, vuidada e pometada de dotze pèças de vermelh.

CLARMONT DE SAVÉS — CLERMONT-SAVÈS (Gèrs, 32)

© J.-P. Fernon

Terciat en pali reversat : au premier d’aur au leon de vermelh armat e lampassat d’azur tenent una espasa dau meteis, au segond de vermelh a la crotz clechada, vuidada, pometada de dotze pèças d’aur, au tresen d’azur au mont de tres pugets d’argent.

CÒRDAS D’ALBIGÉS — CORDES SUR CIEL (Tarn, 81)

© J.-P. Fernon

De vermelh au castèu donjonat d’argent movent de la poncha, dubert dau camp e maçonat de negre, subremontat d’una crotz clechada, vuidada e pometada de dotze pèças d’aur; au cap cordurat d’azur cargat de tres flordalís d’aur.

CONFOLÈUÇ — COUFOULEUX (Tarn, 81)

 D’azur au pali ondat d’argent acompanhat en cap d’una bilheta dau meteis, a dèstra d’una flordalís d’aur e a senèstra d’una croseta clechada, vuidada e pometada de dotze pèças dau meteis.

CORNHON — COURNIOU (Erau, 34)  Trencat : au premier de vermelh a la crotz clechada e pometada de dotze pèças d’aur, au segond ai tres castanhas au naturau ordenadas en òrle ; a la cotissa d’argent brocant subre la particion ; au cap de negre cargat d’una ratapenada d’argent.

DEMÚ — DÉMU (Gèrs, 32)

© J.-P. Fernon

Escartairat : au premier d’argent au leon contornat de vermelh, au segond dau meteis a la crotz clechada, vuidada e pometada de dotze pèças d’aur, au tresen de vermelh au leon d’aur, au quatren d’argent a la torre de vermelh maçonada de negre, duberta e fenestrada dau camp.

DÒNAVILA — DONNEVILLE (Auta Garona, 31) 

D’azur a la crotz clechada de vermelh bordada e pometada de dotze pèças d’aur, costejada de doas espigas de blat dau meteis amb la tija plegada vèrs la poncha.

ENDOFIÈLA — ENDOUFIELLE (Gèrs, 32)

© J.-P. Fernon

Terciat en pali reversat : au premier de vermelh a la crotz clechada, vuidada e pometada de dotze pèças d’aur, au segond d’argent au leon de vermelh, au tresen d’azur a la garba de blat d’aur ligada de vermelh.

FANJAUS — FANJEAUX (Aude, 11)

© J.-P. Fernon

De vermelh a la crotz clechada, vuidada e pometada de dotze pèças d’aur; au cap cordurat d’azur cargat de tres flordalís tanben d’aur.

FREGOVIÈLA — FREGOUVILLE (Gers, 32)

© J.-P. Fernon

D’azur au mont de tres pugets d’argent cargat a dèstra d’una glèisa e a senèstra d’un castelet, lo tot de negre dubert tanben d’argent ; au cap de vermelh cargat d’una crotz clechada, vuidada e pometada de dotze pèças d’aur moventa de la linha dau cap.

GARANON — GARANOU (Arièja, 09)

© J.-P. Fernon

Partit : au premier de vermelh au pònt d’aur encambant una ribiera d’argent ondejanta en pau ; au segond d’azur ai tres garbas de blat d’aur ligadas de vermelh ; au cap cordurat de sinòple cargat d’un sautor d’argent e a la crotz clechada e pometada de dotze pèças d’aur emplida de vermelh brocant en còr.

GARGANVILAR — GARGANVILLAR (Tarn e Garona, 82)

© J.-P. Fernon

De vermelh a la crotz clechada, vuidada e pometada de dotze pèças d’aur ; au cap merletat reversat de cinc pèças d’azur cargat d’un leopard contornat costejat de doas cauquilhas, lo tot d’argent.

GEMILH — GEMIL (Auta-Garona, 31)

© J.-P. Fernon

De vermelh a la crotz clechada, vuidada e pometada de dotze pèças d’aur

GENOLHAC — GENOUILLAC (Cruesa, 23)

© J.-P. Fernon

D’azur a la benda d’aur cargada de tres leonèus de vermelh, acompanhada en cap d’una crotz clechada e pometada de dotze pèças tanben d’aur emplida de vermelh e en poncha d’un pont drech de tres arcas d’argent maçonat de negre sus una ribiera tanben d’argent, subremontat de tres caucatrepas d’aur mau-ordenadas.

GIGONDÀS — GIGONDAS (Vauclusa, 84)

© J.-P. Fernon

D’azur a la crotz clechada, vuidada e pometada de dotze pèças d’argent; au cap d’aur cargat d’un còrn dau camp virolat tanben d’argent.

GRALHEN — GRAILHEN (Auts Pirenèus, 65)

© J.-P. Fernon

D’argent au mont de sinòple subremontat d’un aubre dau meteis costejat de dos ases afrontats de negre arrestats sus lo mont; au cap d’azur cargat d’una crotz clechada, vuidada e pometada de dotze pèças costejada de doas estèlas dau meteis.

LA FRANCESA — LAFRANÇAISE (Tarn e Garona, 82)

© J.-P. Fernon

De vermelh a la crotz clechada, vuidada e pometada de dotze pèças cantonada de quatre flordalís dau meteis.

LAISSAC — LAISSAC (Avairon, 12)

© J.-P. Fernon

Partit : lo premier de vermelh au leopard leonat d’aur; au segond tanben de vermelh a la crotz clechada, vuidada e pometada de dotze pèças d’aur; lo tot subremontat d’un cap d’argent cargat de quatre paus de vermelh.

LA VAUR — LAVAUR (Tarn, 81)

© J.-P. Fernon

De vermelh au castèu de tres torres d’argent maçonat de negre sus una ribiera faissada e ondada tanben d’argent ambé d’azur moventa de la poncha e cargada d’una ancora d’aur, lo tot subremontat d’una crotz clechada, vuidada e pometada de dotze pèças dau meteis ; au cap cordurat tanben d’azur cargat de tres flordalís d’aur.

L’AVELANET — LAVELANET (Arièja, 09)

© J.-P. Fernon

D’argent a la branca d’avelanier fruchada au naturau ; au cap partit : au 1 d’azur cargat d’un creissent d’argent costejat de doas estèlas dau meteis, au 2 de vermelh cargat d’una crotz clechada, vuidada e pometada de dotze pèças d’aur. 

LAVERNOSA E LA CASSA  — LAVERNOSE-LACASSE (Auta Garona, 31)

© J.-P. Fernon

Terciat en pali reversat : au premier de negre a la crotz clechada e pometada de dotze pèças d’aur, emplida de vermelh ; au segond d’azur a la branca de vèrnhe au naturau en benda ; au tresen d’aur a la branca de casse au naturau reversada en barra.

LAIRAC — LAYRAC-SUR-TARN (Auta Garona, 31)

© J.-P. Fernon

Partit; lo premier de vermelh au sant vestit d’aur ambé d’azur, aureolat tanben d’aur; au segond d’argent a la faissa de negre acompanhada de dos lausanges dau meteis, un en cap e l’autre en poncha; lo tot subremontat d’un cap terciat en pau au 1 de vermelh au buou furiós; au 2 de vermelh a la crotz clechada, vuidada e pometada de dotze pèças d’aur, e au 3 semenat de flordalís d’aur.

LE HOSSERET — LA FOUSSERET (Auta Garona, 31)

De vermelh a la crotz clechada, vuidada e pometada de dotze pèças d’aur; au cap cordurat d’azur cargat de tres flordalís tanben d’aur.

LO CRÈÇ — LE CRÈS (Erau, 34)

© J.-P. Fernon

D’azur au liame de rasim fuelhat de doas pèças pendut a una letra C capitala enviroutant una rama d’olivier en barra fruchada d’una pèça e fuelhada de doas, l’ensemble sostengut de doas fuelhas de garric enredounidas e pausadas en aspa, lo tot d’aur ; a la crotz clechada, pometada de dotze pèças e emplida de vermelh brocant en poncha sus lei cambas dei fuelhas de garric.

LESPINASSA — LESPINASSE (Auta Garona, 31)

 De vermelh a doas espigas d’aur messas en crotz de sant-andrieu au canton dèstre dau cap amb una crotz de Tolosa dau meteis pausada au canton senèstre de la poncha; au cap d’aur cargat d’un soleu neissènt de vermelh pausat a dèstra. Sobre lo tot : una barra ondada d’argent cargada de cinc cotissas ondadas d’azur encambadas en abisme d’un pònt d’argent maçonat de negre.

LEUJAC — LÉOJAC (Tarn e Garona, 82)

© J.-P. Fernon

 D’azur ai tres torres d’argent maçonadas de negre dubertas e aclaradas dau camp, acompanhadas en abisme d’una crotz clechada, vuidada e pometada de dotze pèças d’aur.

LIARS — LIAS (Gers, 32)

© J.-P. Fernon

De vermelh a la crotz clechada, vuidada, pometada de dotze pèças d’aur, a la benda d’argent cargada de tres flors de lin d’azur brocant subre lo tot.

L’ISLA D’ALBIGÉS — LISLE-SUR-TARN (Tarn, 81)

© J.-P. Fernon

De vermelh a la crotz clechada, vuidada e pometada de dotze pèças d’aur, sostenguda d’una ribiera d’argent; au cap cosut d’azur cargat de tres flordalís d’aur.

L’ISLA DE BAISH — L’ISLE-JOURDAIN (Gers, 32)

© J.-P. Fernon

 Escartairat; lo premier e lo quatren còntraescartairats au I e au IV d’argent au leon de vermelh, au II e au III de vermelh au leopard leonat d’aur, lo segond e lo tresen de vermelh a la crotz clechada, vuidada e pometada de dotze pèças d’aur.  

LLUPIÀ — LLUPIA (Pirenèus Orientaus, 66)

D’aur a la crotz clechada, vuidada e pometada de dotze pèças de vermelh, a la filiera dau meteis.

MARÇAC — MARSSAC-SUR-TARN (Tarn, 81)

 De vermelh au pònt de tres arcas d’argent maçonat de negre, sus una ribiera d’azur, surbremontat d’una croseta clechada, vuidada e pometada de dotze pèças de vermelh; au cap cordurat d’azur cargat de tres flordalís tanben d’aur.

METÀMIAS — METHAMIS (Vauclusa, 84)

© J.-P. Fernon

Escartairat; lo premier amb lo quatren d’aur a la benda d’azur; lo segond e lo tresen de vermelh plen; subre lo tot d’argent a la crotz clechada, vuidada e pometada de dotze pèças de vermelh. 

MIRADORS — MIRADOUX (Gers, 32)

© J.-P. Fernon

Escartairat : lo premier e lo quatren de vermelh a la crotz clechada e pometada de dotze pèças d’aur emplida de negre ; au segond e au tresen d’azur a la campana d’aur.

MOISSAC — MOISSAC (Tarn e Garona, 82) 

© J.-P. Fernon

De vermelh a la crotz clechada, vuidada e pometada de dotze pèças d’aur, au cap cosut d’azur cargat de tres flordalís tanben d’aur.

MONTALSAT — MONTALZAT (Tarn e Garona, 82)

De vermelh au suqueton d’argent encimat d’un aubre de quatre brancas orizontalas desfulhadas dau meteis, subremontat d’una crotz clechada, vuidada e pometada de dotz pèças d’aur ; au cap cosut d’azur cargat de tres flordalís tanben d’aur.

MONTAREN E SANT MEDIÈR — MONTAREN-ET-SAINT-MEDIERS (Gard, 30)

Escartairat : au premier d’aur au pau lausanjat d’argent ambé sinòple, au segond e au tresen de vermelh a la crotz clechada, vuidada e pometada de dotze pèças d’aur, au quatren dau meteis a la crotz lausanjada d’argent ambé d’azur.

• MONTBRUN DE LAURAGUÉS — MONTBRUN-LAURAGUAIS (Nauta Garona, 31)

Trencat de vermelh a la crotz clechada, vuidada e pometada de dotze pèças d’aur e d’azur al molin de vent terrassat al natural. 

MONTCLAR — MONTCLAR (Òlt e Garona, 47) 

© J.-P. Fernon

Partit : au premier d’azur ai doas torres d’argent maçonadas e fenestradas de negre, aquela de senèstra mai auta, lei torres religadas amb una muralha tanben d’argent, lo tot subremontat d’un creissent d’argent e sostengut d’un soleu non figurat d’aur ; au segond mieg-partit de vermelh a la crotz clechada, vuidada e pometada de dotze pèças d’aur.

MONTCUC — MONTCUQ (Òlt, 46)                       

 D’azur ai tres torres d’argent pausadas sus un mont de vermelh movent de la poncha; au cap partit au 1 tanben d’azur cargat d’una flordalís d’aur e au 2 cosut de vermelh cargat d’una croseta clechada, vuidada e pometada de dotze pèças d’aur.

MONTFAN — MONTFA (Tarn, 81)  

De vermelh au castèu dau luec d’aur pausat sus un mont de sinòple que son centre es marcat dins un ceucle amb lo monograma dau pintre Tolosa-Lautrec cosut de sable, au leon tanben d’aur eissent de la teulissa dau castèu tenent una croseta clechada, vuidada e pometada dau meteis dins sei patas.

MONTRABE — MONTRABE (Auta Garona, 31)          

Talhat. Lo premier d’azur au mieg-molin de vent d’aur movent dau flanc e dau trach de particion, cargat d’una espiga de blat de negre, senestrat d’una croseta clechada e pometada de dotze pèças tanben d’aur ; au segond d’aur a la fònt en mieg-perfiu soudada d’argent, moventa dau flanc e de la poncha, au robinet de negre  escampant fins qu’a la poncha una aiga d’azur en façon de fe en barra adestrada d’una colomba contornada de negre volant en barra; au garric de negre brocant sus la particion au canton senèstre dau cap (armas de s’enquerir).

ORADOR — ORADOUR (Cantau, 15) 

© J.-P. Fernon

De vermelh a la crotz clechada, vuidada e pometada de dotze pèças d’aur.

PEGUILHAN — PÉGUILHAN (Auta Garona, 31)

D’argent a la crotz clechada, vuidada e pometada de dotze pèças d’aur, emplida de vermelh.

PÈRVILA — PERVILLE (Tarn e Garona, 82)   

© J.-P. Fernon

Copat : au premier partit au I de vermelh a la crotz clechada, vuidada e pometada de dotze pèças d’aur ; au II d’argent a l’unicòrn passant d’azur ; au segond de sinòple ai dos sabres passats en sautor d’argent dins sei forrèus dau meteis acompanhats en poncha d’una garba d’aur ligada de vermelh.

PINHAN — PIGNAN (Erau, 34)

© J.-P. Fernon

D’azur au castèu de doas torres d’argent maçonadas de negre acompanhat en cap a dèstra d’un escuçon de vermelh cargat d’una crotz clechada, vuidada e pometada de dotze pèças d’aur, e a senèstra d’un escuçon dau meteis cargat de quatre paus de vermelh e en poncha d’un pin d’aur.

PINTAC — PINTAC (Auts Pirenèus, 65)   

D’argent au mont de sinòple subremontat d’un aubre costejat de dos ases afrontats, lo tot au naturau; au cap d’azur cargat d’una croseta clechada, vuidada e pometada de dotze pèças d’aur costejada de doas estèlas dau meteis.

PLASENÇA DEU TOISH — PLAISANCE-DU-TOUCH (Auta Garona, 31) 

© J.-P. Fernon

Escartairat : lo premier e lo quatren de vermelh a la crotz clechada, vuidada, pometada de dotze pèças d’aur ; lo segond d’azur a l’escuçon en tèrç-pont tanben d’aur au cabrion de negre, lo tresen a la fònt d’argent.

POMARÓS — POUMAROUS (Auts Pirenèus, 65)

D’argent au mont de sinople subremontat d’un aubre dau meteis costejat de dos ases afrontats au naturau, au cap d’azur cargat d’una croseta clechada, vuidada e pometada de dotze pèças d’aur costejada de doas estèlas dau meteis.

POMAVIC — POMMEVIC (Tarn e Garona, 82)

© J.-P. Fernon

Escartairat : au premier e au quatren de vermelh a la torre d’aur maçonada de negre, au segond d’azur au pomier arrancat d’argent, au tresen d’azur a la garba de blat d’argent ; a la crotz clechada e pometada de dotze pèças d’argent emplida d’azur brocant en abisme sus la particion.

PÒRT LA NOVÈLA  — PORT-LA-NOUVELLE (Aude, 11)

© J.-P. Fernon

Talhat : au premier d’aur a la crotz clechada, vuidada e pometada de dotze pèças de vermelh, au segond d’azur au fòrt Sant Carles dau luec tanben d’aur, maçonat de negre; au besant d’aur a la bordadura dentelada de vermelh brocant subre la particion, cargada d’una nau de vermelh velada d’argent amb a la barra un aucèu tanben d’argent e vogant sus una mar agitada de negre; au listèu d’argent cargat dei mots NOVA VELLA en letras capitalas de negre brocant en cap sus l’aubre de la nau.

PUJAUDRAN — PUJAUDRAN (Gers, 32)

© J.-P. Fernon

Escartairat : au premier de vermelh a la crotz clechada, vuidada e pometada de dotze pèças d’aur, au segond d’argent a l’aubre arrancat au naturau, au tresen d’azur a la cauquilha d’aur, au quatren dau meteis au leon de vermelh ; au bordon tanben de vermelh brocant subre la particion.

QUINT E FONSAGRIVAS — QUINT-FONSEGRIVES (Auta Garona, 31)

© J.-P. Fernon

Escartairat : au premier a la letra V capitala d’argent, au segond e au tresen de sinòple au sorgent gisclant d’un rocàs dau meteis, au quatren de vermelh a l’evesque senhaire d’aur ; subre lo tot de vermelh a la crotz clechada, vuidada e pometada de dotze pèças d’aur.

RABASTENS — RABASTENS (Tarn, 81)

© J.-P. Fernon

Terciat en faissa : lo premier d’azur ai tres flordalís d’aur; lo segond de vermelh a la crotz clechada, vuidada e pometada de dotze pèças d’aur; lo tresen dau meteis ai tres rabas au naturau.

RAMONVILA E SANT ANHAN — RAMONVILLE-SAINT-AGNE (Auta Garona, 31)           

© J.-P. Fernon

Copat : au premier partit au I de vermelh a la crotz clechada, vuidada e pometada de dotze pèças d’aur e au II d’argent au pin pinhier arrancat de sinòple, au segond de negre au leopard tenent una pica ambé sa pata dèstra, sostengut d’un creissent, lo tot d’argent.

RASENGAS — RAZENGUES (Gers, 32)

© J.-P. Fernon

D’azur a la ròsa d’argent botonada d’aur e armada de sinòple, au cap cosut de vermelh cargat d’una crotz clechada, vuidada e pometada de dotze pèças tanben d’aur moventa de la linha dau cap.

ROBIAC E RÒCA-SADOLA — ROBIAC-ROCHESSADOULE (Gard, 30)

© J.-P. Fernon

Escartairat en sautor : au premier de vermelh a la crotz clechada, vuidada e pometada de dotze pèças d’aur, au segond d’argent a la branca d’olivier de sinòple en pau senestrada de la letra R capitala de negre, au tresenc d’aur a la làmpia de minaire de negre adestrada de la letra R capitala dau meteis, au quatren d’azur a la tèrça ondada d’argent.

RÒCAS DE GARONA — ROQUES-SUR-GARONNE (Auta Garona, 31)

D’azur a l’obelisc peironat de tres grads d’argent sobremontat d’una esfèra dau meteis, costejat de doas gruas afrontadas caduna ambé sa vigilància tanben d’argent, au cap de vermelh cargat de doas otèlas d’argent pausadas en cabrion contornat a dèstra e d’una mieja-crotz clechada, vuidada e pometada de dotze pèças d’aur, lo tot costejat de dos leons afrontats dau meteis movents dei flancs ; a la faissa ondada tanben d’argent brocant sus la linha dau cap e que i bròca un ròc d’escaquier tanben d’aur.

ROSSET — ROUSSET (Aups Nauts, 04)

De vermelh a la crotz clechada, vuidada e pometada de dotze pèças d’argent.

SALÈLAS D’AUDE — SALLÈLES-D’AUDE (Aude, 11)

© J.-P. Fernon

Escartairat : au premier d’azur au cabrion d’aur acompanhat de tres ròsas d’argent, au segond de vermelh a la crotz clechada, vuidada e pometada de dotze pèças d’aur, au tresen d’argent au leon de vermelh, au quatren terciat en faissa : au I d’aur au leon eissent de negre, au II d’aur ai tres treules de sinòple arrengueirats en faissa, au III de vermelh a la benda d’aur.

SALVANHAC — SALVAGNAC (Tarn, 81)                     

D’azur a la torre d’argent; au cap cosut de vermelh cargat d’una croseta clechada, vuidada e pometada de dotze pèças d’aur.

SANT ALBAN — SAINT-ALBAN (Auta Garona, 31)                             

Trencat : au premier d’argent a la crotz clechada e pometada de dotze pèças soudada d’aur emplida de vermelh, au segond d’aur a la violeta de porpra tijada e fuelhada de doas pèças de sinòple pausada en benda ; a la cotissa de vermelh brocant sus la particion (armas de s’enquerir – Creacion : Roger Clerc)

SANT ANDRIEU DE RÒCA LONGA — SAINT-ANDRE-DE-ROQUELONGUE (Aude, 11)

© J.-P. Fernon

D’argent au sautor ancorat de vermelh, a l’escuçon d’aur cargat d’una crotz clechada e pometada de dotze pèças tanben de vermelh, brocant subre lo tot.

SANT CHINIAN — SAINT-CHINIAN (Erau, 34)

D’azur a la còrna d’abondància versant de fruchs au naturau, senestrada d’una crotz clechada e pometada d’aur emplida de vermelh.

SANT DEIDIER — SAINT-DIDIER (Vauclusa, 84)               

© J.-P. Fernon

      

Escartairat d’aur ambé de vermelh a la crotz clechada, vuidada e pometada de dotze pèças de l’un dins l’autre.

SANT HELITZ DEU CASTÈTH — SAINT-ELIX-LE-CHATEAU (Auta Garona, 31)        

© J.-P. Fernon

    

Escartairat : au premier de vermelh au castèu dau luec de doas torres cubertas d’argent aclarat de negre, subremontat d’una corona de marqués d’aur, au segond d’azur ai tres flordalís tanben d’aur, au tresen d’azur ai quatre otèlas adorsadas d’argent pausadas en sautor, au quatren de vermelh a la crotz clechada, vuidada e pometada de dotze pèças d’aur.

SANT JOAN DE MENERBÉS — SAINT-JEAN-DE-MINERVOIS (Erau, 34)

© J.-P. Fernon

D’azur a la crotz clechada, pometada de dotze pèças d’aur e emplida de vermelh ; au cap tanben d’aur cargat d’una aigla eissenta de vermelh.

SANT JOAN DEL FALGAR — SAINT-JEAN-DU-FALGA (Arièja, 09)

© J.-P. Fernon

Partit : au premier d’aur a tres paus de vermelh, a la crotz clechada, vuidada e pometada de dotze pèças d’aur brocant en còr ; au 2nd d’azur a la montanha de tres pugets de sinòple ennevada d’argent, au pònt d’argent brocant en còr e pausat sus una ribiera sinuosa dau camp, sei ribas de sinòple ; a dos feuses estilizats d’argent pausats en cabrion reversat movents d’un anelet dau meteis emplit de sinòple e brocant en poncha sus lo partit. 

SANT JOAN LE NÒU — L’UNION (Auta Garona, 31)

De vermelh a la benda de negre cargada d’una fe vestida la partida moventa de l’angle dèstre dau cap d’argent, aquela moventa de l’angle senèstre de la poncha d’aur, acompanhada en cap d’una croseta clechada e pometada de dotze pèças tanben d’aur, e en poncha d’una croseta patuda de uech ponchas tanben d’argent.

SANT JÒRDI — SAINT-GEORGES (Tarn e Garona, 82)                     

Terciat en pali reversat : au premier d’azur a l’espasa bassa d’argent, au segond dau meteis au dragon rampant de vermelh, au tresen d’aur a la crotz clechada, vuidada e pometada de dotze pèças tanben de vermelh.

SANT ORSESI — SAINT-URCISSE (Òlt e Garona, 47)          

© J.-P. Fernon

  

Partit : au premier de porpra a la cròça d’aur, au segond copat au I de vermelh a la crotz clechada, vuidada e pometada de dotze pèças d’aur e au II de sinòple a l’orquídia de tres petals d’argent botonat d’aur ambé de negre.

SANT PAU DEI FÒNTS — SAINT-PAUL-LES-FONTS (Gard, 30)

© J.-P. Fernon

Escartairat : au premier de vermelh ai sièis besants d’aur ordenats 3, 2 e 1 ; au segond d’azur a la capèla d’aur duberta dau camp ; au tresen faissat ondat d’azur ambé d’argent ; au quatren de vermelh a la crotz clechada, vuidada e pometada de dotze pèças d’aur.

SANTA BASELHA — SAINTE BAZEILLE (Òlt e Garona, 47)

© J.-P. Fernon

Escartairat : au premier terciat en benda d’aur, de vermelh e d’azur, au segond de vermelh a la crotz clechada, vuidada e pometada de dotze pèças d’aur, au tresen de vermelh plen, au quatren tanben de vermelh a la faissa d’argent ; a la faissa ondada d’argent brocant sus la particion ; sobre lo tot d’azur a la destrau d’argent, a la bordadura d’aur cargada de nòu tortèus dau camp ; lo tot subremontat d’un cómol de vermelh cargat d’un leopard d’aur flancat en pau d’azur a dèstra e a senèstra, cada pau cargat d’una flordalís tanben d’aur.

SAUTAIRARGUES — SAUTEYRARGUES (Erau, 34)

© J.-P. Fernon

Escartairat en sautor : au premier d’azur au bust de Nòstra-Dama d’argent aureaulada d’aur eissent de la particion, costejat en cap dei letras A e M oncialas dau meteis, au segond de vermelh a la crotz clechada, vuidada e pometada de dotze pèças d’aur, au tresen dau meteis ai quatre paus de vermelh, au quatren d’azur au mantèu d’argent amb una espasa brocant en barra subre lo tot (Creacion : Jean-Claude Molinier, 1991).

SENOLHAC — SÉNOUILLAC (Tarn, 81)

© J.-P. Fernon

De vermelh a la crotz clechada, vuidada e pometada de dotze pèças d’aur, a l’escuçon dau darrier au gau dau camp e a la bordadura carnelada d’azur cargada en cap de tres flordalís brocant en abisme subre lo tot.

SEVERAC LO CASTÈL — SÉVERAC-LE-CHÂTEAU (Avairon, 12)

© J.-P. Fernon

Escartairat : au premier de vermelh a la crotz clechada, vuidada e pometada de dotze pèças d’aur, au segond d’argent ai quatre paus de vermelh, au tresen dau meteis a l’arpa d’aur, au quatren d’azur ai tres flordalís d’aur, au bastonet de vermelh en barra ; sobre lo tot de vermelh a la crotz d’argent.

SHEUST — CHEUST (Auts Pirenèus, 65) 

De golas au mont cordurat de sinòple subremontat d’una torre de negre; au cap cordurat d’azur cargat d’una croseta clechada, vuidada e pometada de dotze pèças d’argent costejada de doas estèlas de sièis rais dau meteis.

TENÇA — TENCE (Auta Leira, 43)

© J.-P. Fernon

Partit : au premier d’aur a la faissa d’azur acompanhada de tres merletas de negre, au segond de vermelh a la crotz clechada, vuidada e pometada de dotze pèças d’aur.

TOLOSA — TOULOUSE (Auta Garona, 31)         

De vermelh a la crotz clechada, vuidada e pometada de dotze pèças d’aur, enceuclada e montada sus un aste dau meteis pausat en pau adestrat d’un castèu donjonat de tres torres e senestrada d’una basilica de tres cloquiers, lo tot d’argent maçonat de negre; a l’anhèu pascau tanben d’argent, la tèsta nimbada e contornada brocant subre lo tot; au cap cordurat d’azur semenat de flordalís tanben d’aur.

TORNAFUÈLHA — TOURNEFEUILLE (Auta Garona, 31)

© J.-P. Fernon

Trencat : au premier d’azur ai doas claus d’aur pausadas en sautor ; au segond de sinòple a la capèla dau luec au cloquier-fronton mut d’argent ; a la benda d’argent brocant sus la particion, cargada de doas cauquilhas de porpra d’a plomb, una en cap, l’autra en poncha ; sobre lo tot de vermelh a la crotz clechada, vuidada e pometada de dotze pèças.

TRAVALHAN — TRAVAILLAN (Vauclusa, 84)

D’azur a la faissa escacada de vermelh ambé d’argent de tres tieras acompanhada en cap d’una estèla de setze rais e en poncha d’una croseta clechada vuidada e pometada de dotze pèças dau meteis, lo tot d’aur.

VARENNES-JARCY (Essonna, 91)

© J.-P. Fernon

De vermelh a la crotz clechada, vuidada e pometada de dotze pèças d’aur sostenguda de doas miejas-ròdas de molin de negre eissentas d’una campanha ondada d’argent.

VENASCA — VENASQUE (Vauclusa, 84)

© J.-P. Fernon

De vermelh a la crotz clechada, vuidada e pometada de dotze pèças d’aur.

VERDUN DE GARONA — VERDUN-SUR-GARONNE (Tarn e Garona, 82)

© J.-P. Fernon

De vermelh ai tres flordalís d’aur acompanhadas en abisme d’una croseta clechada, vuidada e pometada de dotze pèças dau meteis, e en poncha de doas torres d’argent maçonadas de negre.

VILAFRANCA DE LAURAGUÉS — VILLEFRANCHE-DE-LAURAGAIS (Auta Garona, 31)

© J.-P. Fernon

De vermelh a la crotz clechada, vuidada e pometada de dotze pèças d’aur acompanhada de doas torres d’argent maçonadas de negre; au cap cosut d’azur cargat de tres flordalís tanben d’aur.

VILAFRANCA DE ROERGUE — VILLEFRANCHE-DE-ROUERGUE (Avairon, 12)

© J.-P. Fernon

De vermelh au pònt de tres arcas d’argent, maçonat de negre, pausat sus d’ondas d’azur moventas de la poncha, subremontat a dèstra e a senèstra de doas torres cairadas tanben d’argent maçonadas de negre, e entre lei torres una croseta clechada e pometada de dotze pèças d’aur; au cap cosut d’azur cargat de tres flordalís.

VILANAVA DEL PAREATGE — VILLENEUVE-DU-PAREAGE (Arièja, 09)

© J.-P. Fernon

Trencat de vermelh e d’aur, a la torre d’argent maçonada, duberta e fenestrada de negre, acompanhada a dèstra d’una tèsta de cròça d’evesque de tanat, a senèstra d’una crotz clechada, vuidada e pometada de dotze pèças d’aur e en poncha d’una pluma d’azur pausada en faissa.

Auban Bertero

Categorias